Jak daviedaŭsia Office Life, kampanija padała zajaŭku na rehistracyju novaha tavarnaha znaka ŭ Nacyjanalny centr intelektualnaj ułasnaści.
Brend life:) raźvivaje ZAT «Biełaruskaja sietka telekamunikacyj». Kampanija padała zajaŭku na rehistracyju novaha tavarnaha znaka ŭ pačatku vieraśnia 2025 hoda. Jon ujaŭlaje saboj najmieńnie brenda Life sa znakam, čymści padobnym da serca. Ciapier kampanija vykarystoŭvaje słova life sa smajlikam, jaki adlustroŭvaje ŭśmiešku.
Office Life zapytaŭ kamientar u kampanii. Tam raskazali, što sapraŭdy zarehistravali tavarny znak, a taksama anansavali šerah maštabnych źmianieńniaŭ. Rehistracyja novaha tavarnaha znaka — heta pieršy krok ź ich.
«Dla nas važna prezientavać źmieny ŭ poŭnym abjomie, kab zachavać kancepcyju i idejnuju častku prajekta. Tamu ŭsimi detalami my padzielimsia padčas aficyjnaha zapusku», — raskazali ŭ kampanii.
U life:) nie nazyvajuć dakładnyja terminy, adnak abiacajuć, što «chutka raskažuć usie padrabiaznaści i abaviazkova padzielacca imi z šyrokaj aŭdytoryjaj».
Apieratar life:) pačaŭ pracavać u Biełarusi ŭ 2008 hodzie. Z 2022 hoda 100%-vym uładalnikam kampanii źjaŭlajecca najbujniejšy turecki apieratar Turkcell.
Kamientary