U Biarezinskim rajonie praciahvajucca pošuki źnikłaha 14‑hadovaha Maksima Ziańkoviča. Pra toje, što dzicia ŭsio jašče nie znojdzienaje, pavodle aktualnaj na 21:00 paniadziełka, 10 listapada, infarmacyi paviedamiŭ pošukava-vyratavalny atrad «Anioł».
U atradzie patłumačyli, što pošukavaja apieracyja prachodzić u kruhłasutačnym režymie. Z nadychodam ciomnaha času sutak stała zrazumieła, što pošuki źnikłaha školnika buduć prachodzić užo treciuju noč zapar.
Chłopčyk źnik ranicaj 8 listapada.
Taksama ŭ pošukavym atradzie ŭ ličbach raskryli detali pošukavaj apieracyi, paviedamlajučy, što ŭ joj zadziejničanyja zvyš 120 dobraachvotnikaŭ, bolš za 400 supracoŭnikaŭ roznych viedamstvaŭ, 140 supracoŭnikaŭ lashasa, a taksama bolš za 100 pašukavikoŭ roznych pošukava-vyratavalnych i kinałahičnych atradaŭ. Na pošuki Maksima pryjechali taksama 17 endurystaŭ — prafiesijanałaŭ u adnym ź vidaŭ motasportu.
«Pryjazdžajuć jašče endurysty i kvadracyklisty, piešyja hrupy. Prymianiajucca bieśpiłotniki. My nie spyniajemsia. My praciahvajem», — prakamientavali situacyju ŭ PVA «Anioł».
U Biarezinskim rajonie druhi dzień šukajuć chłopčyka ź Minska. Jon maje prablemy sa zdaroŭjem
«Jak skroź ziamlu pravaliŭsia». Trecija sutki iduć pošuki źnikłaha padletka ŭ Biarezinskim rajonie
Padčas pošukaŭ chłopčyka ŭ Minskaj vobłaści źnik sabaka-vyratavalnik
Bierta, što šukała chłopčyka ŭ Biarezinskim rajonie, znajšłasia
Ciapier čytajuć
U Francyi ad śpioki zahinuŭ dalnabojščyk z Dokšycaŭ8
Kamientary