У Бранскай вобласці цішком адмянілі традыцыйны фестываль «Славянскае адзінства»
Падобна на тое, што «Славянскае адзінства» скончылася — фестываль дружбы Расіі і Беларусі, мяркуючы па ўсім, быў ціха адменены на фоне расійскіх ваенных праблем — за два з трох запланаваных дзён не прайшло ніводнага мерапрыемства, заўважыў «Флагшток».
Прычынай гэтага маглі паслужыць праблемы на Браншчыне, выкліканыя ваеннымі дзеяннямі — украінскія дроны і дэфіцыт паліва.
Сёлета мерапрыемствы былі запланаваны на 27—29 чэрвеня ў Бранскай вобласці. Аднак па стане на сённяшні дзень не адбылося ніводнага публічнага мерапрыемства. Больш за тое, беларускія і расійскія дзяржаўныя СМІ практычна перасталі згадваць фестываль.
Фестываль узнік у 1970‑х гадах, каб падкрэсліць сяброўскія адносіны паміж савецкімі БССР, УССР і РСФСР. Працягвалі яго праводзіць і пасля распаду СССР. Аднак пасля расійскага ўварвання ва Украіну ў 2014 годзе ўкраінскі бок перастаў удзельнічаць у мерапрыемстве. У апошнія гады фестываль традыцыйна праходзіў у апошнія выхадныя чэрвеня, па чарзе ў Бранскай і Гомельскай абласцях.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары