Uoł-stryt-2: Hrošy nie śpiać (Wall Street: Money Never Sleeps).
Uoł-stryt-2: Hrošy nie śpiać (Wall Street: Money Never Sleeps)
ZŠA, 2010, kalarovy, 127 chv.
Režysior: Olivier Stoŭn
Roli vykonvajuć: Majkł Duhłas, Šaja Łabief, Džoš Brolin, Čarli Šyn, Kery Malihan, Śjuzan Sarandon, Frenk Łanhieła, Donald Tramp, Olivier Stoŭn
Žanr: Finansava-psichałahičnaja drama
Adznaka: 6 (z 10)
Małady brokier Džejkab zakachany ŭ dačku finansavaha machinatara Hordana Hieka, jaki niadaŭna vyjšaŭ z turmy. Dačka nie žadaje mieć z baćkam ničoha supolnaha. Džejkab, jaki zachaplajecca talentami Hieka, vyrašaje pamiryć svajakoŭ — i pavučycca ŭ Hieka brokierskamu majsterstvu. Ale nabližajecca finansavy kryzis.
Amal čverć stahodździa tamu Olivier Stoŭn zrabiŭ vykryvalnicki film «Uoł-stryt» pra niahodnyja noravy akułaŭ kapitalizmu. Ale režysior z prykraściu daviedaŭsia, što hałoŭny admoŭny hieroj, bliskuča syhrany Majkłam Duhłasam, staŭsia ŭzoram dla sučasnych brokieraŭ. Stoŭn vyrašyŭ iznoŭ razabracca z klatym Hordanam Hieka — tym bolej, što raspačaŭsia suśvietny kryzis.
Siońniašniaja stužka — užo nie lavacka-ikłastaja, jak papiarednica. Režysior strymaniejšy j mudrejšy: dastajecca ŭsim. Stoŭn pakazvaje, jak finansavyja burbałki siłkujucca masavymi manijami. Aŭtar pa-majstersku pieratvaraje nudnyja ličby ŭ čałaviečyja dramy. I chacia heta nie samy vidoviščny film u karjery režysiora, stužku varta pahladzieć dziela Śjuzan Sarandan — u roli «finansavaj narkamanki», jakaja padsieła na kredyty.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary