Andropaŭščyna. U subotu na minskija pradpryjemstvy zvanili z rajvykankamaŭ, patrabavali źviestki pra rabotnikaŭ
jakija byli nie vyjšaŭšy na pracu.
Jak paviedamili «Našaj Nivie» čytačy, u subotu prynamsi ad niekatorych minskich pradpryjemstvaŭ i ŭstanovaŭ rajvykankamy zapatrabavali śpisy supracoŭnikaŭ, jakija byli nie vyjšaŭšy na rabotu.
Subota 14 maja była pracoŭnaj, ale ŭ takija dni zvykła istotnaja častka pracaŭnikoŭ nie vychodzić na rabotu, kali niama pracoŭnaj zahruzki ci kali jość siamiejnyja patreby.
Alaksandr Łukašenka niadaŭna zapatrabavaŭ uspomnić praktyki andropaŭskich časoŭ dla ŭmacavańnia pracoŭnaj dyscypliny.Jon abhruntavaŭ heta vysnovami ź niadaŭniaha terakta ŭ mietro.
Paśla hetaha kiraŭnik Administracyi prezidenta Uładzimir Makiej zajaviŭ, što ŭ Biełarusi budzie praviedziena pravierka dyscypliny i kadravaj raboty na pradpryjemstvach.
«Padpisana supolnaje rasparadžeńnie kiraŭnika Administracyi prezidenta i dziaržsakratara Rady biaśpieki pa praviercy šerahu pradpryjemstvaŭ u pramysłovaści i sielskaj haspadarcy», — zajaviŭ jon, vystupajučy pierad žurnalistami ŭ Breście.
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary