«Niabačny»
Jak pakarać zabojcu, kali achviara ty sam? Dyj, ci varta karać?... I ci varta hladzieć hetkuju stužku?
Niabačny (Invisible)
ZŠA, 2007, kalarovy, 97 chv.
Režyser: Dejvid S.Hojer
Roli vykonvajuć: Džastyn Četuin, Marharyta Levijeva, Marsia Hej Hardyn, Krys Markiet, Aleks O'Łoflin, Kiełum Kiejt Reni, Mišel Harysan, Rajan Kienedzi
Žanr: Mistyčnaja drama
Adznaka: 4 (z 10)
Nik – vydatnik i pryhažun. Paśla škoły jaho čakaje bliskučaje pryšłaje. Ale paśla napadu chulihanaŭ, jahonaje źniaviečanaje cieła chavajuć u lesie, a duša błukaje pamiž žyvymi. Nik jašče nie pamior – i jaho jašče možna vyratavać. Pa ironii losu dapamahčy hieroju moža tolki dziaŭčynka, jakaja ledźvie nie adpraviła jaho da Abrahama na piva…
Sytuacyja – ani žyćcia, ani śmierci, biezdapamožnaja duša ŭ jakaści śledčaha – vielmi mocny chod dla trymcieńnikaŭ. Vykštałconyja iljanskija gialli vykarystoŭvali padobny siužet.
Ale amerykanskaja stužka Hojera nieimpetna paŭtaraje małaviadomy švedzki film – i karcina, źniataja ŭ Halivudzie nahadvaje mistyčny hit 90-ych “Pryvid”. U stužcy Hojera taksama źjaŭlajucca meladramatyčnyja intanacyi, pryvid Nika nie abyjakavy da chulihanki-dziaŭčyny, a finalnaja scena ŭ špitali – heta ryzykoŭny “amur na traich”: paranienaja hierainia, cieła hieroja, i jahonaja duša-śviedka…
Amerykancy jaŭna zabłytalisia z antahanistami. Spačatku ŭ jakaści voraha vystupaje taja samaja chulihanka. Potym na rolu hałoŭnaha złačyncy, ź jakim musić syścisia hieroj u finalnaje bojcy pretenduje tatujavany recydyvist. Ale, narešcie, hałoŭnaj niahodnicaj vyjaŭlajecca… matula hieroja, jakaja žyć jamu nie davała. Scenarnaja błytanina kančatkova źniščaje fajnuju ideju, ź jakoj moh by vyraści niebłahi film. Cikava, što ŭ reklamnym trejlery (davoli niakiepskim!) – jość persanažy, jakija nie ŭvajšli ŭ film.
Ale stužka j tak zdajecca zaciahnutaj.
Karcina zavisaje pamiž śvietam žyvych i śvietam pamierłych… bližej da śvietu pamierłych. I ničoha strašnaha, kali jana zastaniecca niabačnaj dla hledačoŭ.
Seansy ŭ kinateatrach: «Aŭrora», «Centralny», «Družba», «Maskva», «Kastryčnik».
Ciapier čytajuć
Łukašenka patłumačyŭ, čamu jaho nie vidać pa sieradach i subotach18
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary