Задача курсаў — вывесці беларускую мову са пасіву ў актыў.
Зрабіць першы крок насустрач роднай мове стане яшчэ прасцей. Ад чацвярга ў Мінску пачнуцца новыя бясплатныя курсы беларускай мовы «Моваведа». Ладзіць заняткі будзе філолаг Аляксей Шэін:
«Я арганізоўваў курсы беларускай мовы ў 2008-2012 годзе. Яны так і называліся: курсы беларускай мовы. Пасля пяці сезонаў заняткаў, праз якія прайшло некалькі сотняў чалавек, курсы сышлі ў адпачынак.
Цяпер было вырашана аднавіць курсы. Каб адбудавацца ад «Мовы ці кавы» і «Мовы нанова», давялося прыдумаць назву — «Моваведа».
Аляксей кажа, што курсы падыдуць для любога зацікаўленага ў беларускай мове чалавека:
«На курсах «Моваведа» не будзе складанага і сумнага, не будзе нудоты кшталту вывучэння граматыкі. «Моваведа» — гэта не курсы, дзе вучаць новай мове. Беларусы ведаюць беларускую мову, бо калі размаўляеш з беларусам па-беларуску, ён разумее. Аднак беларуская мова знаходзіцца ў пасіве. І мая задача — перавесці мову з пасіва ў актыў.
З уласнага досведу скажу: каб перайсці на беларускую мову, пачаць бачыць сны беларуска мовай патрэбна каля трох месяцаў. Гэта калі чалавек вырашыць: вось, пачынаю ад сёння».
Каб прыйсці на курсы «Моваведа» проста так, без папярэдняй рэгістрацыі. Шэін абяцае насычаныя заняткі з дыскусіямі, дэбатамі, займальнымі тэстамі і, вядома, цікавымі гасцямі. Першым на занятак завітае акцёр Купалаўскага тэатра Павал Харланчук.
Дарэчы, Павал Харланчук дапамагаў агучваць вірусныя рэкламныя ролікі курсаў «Моваведа», якія шырока разышліся ў сеціве.
Заняткі будуць праводзіцца з 22 мая шточацвер а 19-й гадзіне ў канферэнц-зале на 3-м паверсе бізнэс-цэнтра «Валео» па адрасе: вул. Скарыны, 12. Найбольш зручна ехаць ад ст. м. «Маскоўская» на аўтобусах №25, 34, 64 да прыпынку «Каледж сувязі» (6 прыпынкаў ад метро).
-
«Не запатрабавана». З вядомага кафэ Mon Nom на Трактарным прыбралі беларускамоўнае меню
-
Нейрасеткі ўсё яшчэ спатыкаюцца на беларускім маўленні. Беларусы хочуць падарыць штучнаму інтэлекту ідэальны голас
-
Юнак расказаў, як канспектаваў рускамоўныя лекцыі беларускай лацінкай. Гэта выклікала даміно ўспамінаў з БНТУ, БДТУ і БДУ
Цяпер чытаюць
Беларуская і расійская арміі на беларускай тэрыторыі трэніруюцца наносіць ядзерны ўдар2
Каментары