Журналістка «НН» спрабавала трапіць у КНДР. Што ў яе пыталіся ў анкеце на візу?
«Ці згодныя вы з тым, што ў выпадку парушэння правілаў знаходжання ў КНДР вы можаце падвергнуцца пакаранню (турэмнае зняволенне, перабыванне ў працоўным лагеры)»?
10-16 снежня ў Мінску пройдзе «тыдзень КНДР», прысвечаны туру ў адну з самых закрытых краін свету.
У маі 2016 года з Мінска ў Пхеньян плануецца вылет знакамітага ТУ-154. 150 смельчакоў паляцяць у Паўночную Карэю знаёміцца з культурай гэтай краіны. Калі вы жадаеце стаць удзельнікам тура ў КНДР, вам прапануюць запоўніць анкету. Пытанні вельмі цікавыя. Напрыклад, вось гэты: «Ці згодныя вы з тым, што ў выпадку парушэння правілаў знаходжання ў КНДР вы можаце падвергнуцца пакаранню (турэмнае зняволенне, перабыванне ў працоўным лагеры)»?
Асабліва дзіўнае пытанне: «Колькі гадзін у суткі вам неабходна для сну?» Варыянты: «3», «4», «5», «іншае».
Праграма «Тыдня КНДР»:
10 снежня, 19.00 — 21.00
Выстава плакатаў з Паўночнай Карэі, якая будзе доўжыцца да 16 снежня. Госці вечара — дырэктар гурту «Ляпіс Трубяцкі» Яўген Калмыкоў і заснавальнік кампаніі Merlintour Барыс Уласаў, якія ўжо паспелі злётаць у КНДР, падзеляцца зробленымі ўпотай фотаздымкамі ды гісторыямі.
11 снежня, 19.00 - 21.00
Дакументальны фільм пра Паўночную Карэю.
14 снежня, 19.00 - 21.00
Глядзім мастацкі фільм пра Паўночную Карэю.
15 і 16 снежня, 10:00 — 19:00.
На працягу працоўнага дня ў офісе Merlintour функцыю «штатнага эксперта» выконвае Вольга Сікорская, якая раскажа пра КНДР. Праспект Пераможцаў, 5, офіс Merlintour. Уваход: бясплатны. Колькасць месцаў абмежаваная, трэба запісацца па тэлефоне: 8(033)3224059 (Ірына).
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары