Сетка хуткага харчавання Mak.by пашырыць сваю прысутнасць у Беларусі. Новыя рэстараны плануюць адкрыць у Наваполацку і Мазыры, паведаміў блогер «Мерзкий Кокобай».
Дагэтуль, калі не ўлічваць абласныя цэнтры, рэстаран Mak.by працаваў толькі ў Баранавічах. Ён адкрыўся там летась.
Раней паведамлялася, што яшчэ адзін рэстаран Mak.by плануюць пабудаваць у мінскім мікрараёне Лошыца.
Цяпер у Беларусі налічваецца 29 рэстаранаў гэтай сеткі. Большасць з іх размешчаная ў Мінску і абласных цэнтрах — Магілёве, Гродне, Гомелі, Брэсце і Віцебску.
Каментары