Вытворца энергетыкаў заклікае спажыўцоў уважліва чытаць этыкеткі
Венгерскі вытворца Hell Energy заклікае пакупнікоў звяртаць увагу на этыкеткі прадуктаў. Па меркаванні кампаніі, вакол энергетычных напояў існуе мноства міфаў і прадузятасцяў, што негатыўна адбіваецца на рэпутацыі катэгорыі.
Кампанія вырабляе энергетычныя напоі больш за 12 гадоў і экспартуе прадукт у больш чым 50 краін свету, у ліку якіх Беларусь, Украіна і краіны Балтыі.
Па словах прадстаўнікоў кампаніі, у спажыўцоў як у Беларусі, так і па ўсім свеце, ёсць сталыя перакананні, што ўсе энергетыкі ўтрымліваюць штучныя інгрэдыенты, недапушчальна высокае ў іх і ўтрыманне цукру і кафеіну, а таксама кансервантаў. Але гэта не заўсёды праўда.
Напоі Hell Energy утрымліваюць 88,2% вады, 10,4% цукру, лімонную кіслату 0,6% і цытрат натрыю, каб збалансаваць кіслотнасць, вуглекіслату для газіравання, таурын (амінакіслата, якая змяшчаецца ў розных прадуктах харчавання; яна выпрацоўваецца ў арганізме ў невялікіх дозах і хутка расходуецца пры фізічных нагрузках або стрэсе), кафеін (32 мг/100 мл), араматызатар Туці-фруці, цукровы колер у якасці фарбавальніка і 5 відаў вітамінаў групы В.
У напоі няма кансервантаў, паколькі кампанія выкарыстоўвае прагрэсіўныя тэхналогіі вытворчасці, у тым ліку пастэрызацыю для кансервацыі. Вытворца выбраў гэтую тэхналогію, каб выключыць утрыманне кансервантаў, нягледзячы на тое, што гэта падаражае вытворчасць.
«Важна ставіцца да энергетычнага напою як да прадукту, які мае сваю функцыю — даць энергію дзякуючы цукру i ўзбадзёрыць дзякуючы кафеіну. У Hell Energy змяшчаецца столькі ж кафеіну, колькі ў кубку эспрэса, але менш, чым у растваральнай каве. І гэтая інфармацыя дакладна пазначана на ўпакоўцы. Людзі п'юць энергетычныя напоі, калі ім патрэбна энергія, калі яны хочуць узбадзёрыцца або справіцца з дрымотнасцю. Так што цукар незаменны для энергетычных напояў, без яго мы б не маглі назваць яго энергетычным», — пракаментавала дырэктар па камунікацыях Hell Energy Эстэр Тос.
Рэкамендуецца ўжываць не больш за адну бляшанку энергетыку ў дзень. Дзецям, цяжарным і жанчынам, якія кормяць, а таксама людзям, адчувальным да кафеіну, лепш зусім ад яго адмовіцца.
«Важна, каб кожны раз спажывец ўважліва вывучаў інфармацыю на ўпакоўцы. Склад энергетыкаў сур'ёзна адрозніваецца. Менавіта на ўпакоўцы вытворца ўказвае ўсе інгрэдыенты, а таксама абмежаванні па ўжыванні свайго прадукту», — дадала Эстэр Тос.
Цяпер чытаюць
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі9
Каментары