Блогерка Ася Паплаўская вядзе сайт, на якім, апроч іншага, піша агляды прыгожых касцёлаў Беларусі. Але апошнім часам у яе сацыяльных сетках стала з’яўляцца шмат фота з манахінямі і разважанняў пра веру.
«Усе дарогі вядуць да Бога. І чым ваш шлях больш пакручасты і ўхабісты, чым больш вы пакутавалі і чым у большай цемры жылі, тым больш яркім будзе для вас Яго святло.
«Як шкада, Божа, што я так доўга — 15 год — жыла без Цябе», — гаварыла я раней.
«Якое шчасце, што я прыйшла менавіта такі — цяжкі і цёмны — шлях. Каб зараз бачыць усю тваю прыгажосць і міласэрнасць», — упэўнена я зараз», — піша блогерка ў адным са сваіх пастоў.
«Наша Ніва» спытала ў блогеркі: няўжо яна сышла ў манастыр?
— Магчыма. Магчыма, раздумваю пра гэта ці пайшла, — адказала Ася Паплаўская.
«НН»: Чаму? Што вас падштурхнула?
— Ведаце, я б не хацела пра гэта гутарыць з журналістамі, гэта вельмі інтымная, асабістая справа. Я берагу свой спакой і сваё прыватнае жыццё.
Між іншым на старонцы блогеркі стаіць абрэвіятура SJE — Кангрэгацыі сясцёр служак Езуса ў Еўхарыстыі (гэта назва жаночай каталіцкай манаскай супольнасці).
А ў інстаграме мінскага касцёла Святога Роха напісана, што Ася, якая вяла сацсеткі касцёла, больш не зможа гэтым займацца, бо яе «чакае новае жыццё».
Цяпер чытаюць
Аляксандру Лукашэнку цяжка далося ўскладанне вянкоў на Мамаевым кургане ВІДЭА11
Каментары