Вядучая Ксенія Сабчак распавяла, што заражаны каранавірусам спявак Леў Лешчанка быў на святкаванні дня нараджэння сястры прадзюсара Ігара Крутога. Як напісала журналістка ў сваім Telegram-канале, з-за гэтага «ў тусоўцы шоў-бізнэсу адбыўся перапалох», піша lenta.ru
«Усе пазаражаліся ад Лешчанкі на дні нараджэння сястры Крутога», — адзначыла Сабчак. Паводле яе слоў, усім, хто знаходзіўся на мерапрыемстве, варта быць больш уважлівым да свайго здароўя і самаадчування.
Сцвярджаецца, што на гэтым мерапрыемстве прысутнічаў і кампазітар Ігар Нікалаеў, якога шпіталізавалі 26 сакавіка з падазрэннем на каранавірус у бальніцу ў Камунарцы, а таксама іншыя расійскія зоркі. Як паведамляе Telegram-канал «НеМалахаў», там таксама былі спевакі Алег Газманаў, Валерый Леонцьеў, Аляксандр Разенбаум, спявачкі Ані Лорак і Алсу.
Паводле Telegram-канала «Толькі нікому …», на дні нараджэння Алы Крутой былі ў тым ліку спявак Мікалай Баскаў, спявак Аляксандр Сяроў, спявачка Ірына Алеграва, комік і спявак Аляксандр Рэва, вядучая Лера Кудраўцава і былая фігурыстка Таццяна Наўка з мужам, прэс-сакратаром прэзідэнта Расіі Дзмітрыем Пясковым.
Паведамлялася таксама, што Леў Лешчанка ўдзельнічаў у тэлевізійных здымках на федэральным канале «Расія 1» незадоўга да шпіталізацыі з каранавірусам. Ён асабіста прысутнічаў у студыі перадачы Андрэя Малахава.
Цяпер чытаюць
«Упэўнены, ён і з канём каля аркі пагаварыў». Расійскі журналіст апісаў прыезд Лукашэнкі на парад8
Каментары