1) Ніводзін з кандыдатаў у прэзідэнты Польшчы і ніводзін з блізкіх да іх палітычных актывістаў не быў арыштаваны ні перад выбарамі, ні пасля іх.
2) Яўка на выбарах у Польшчы склала 69%. Ніхто там не заганяе на галасаванне і тым больш на датэрміновае галасаванне.
3) Назіральнікі ў Польшчы маюць права сачыць за падлікам галасоў і рабіць копіі пратаколаў.
4) У Польшчы свабодна праводзяцца незалежныя ад дзяржавы сацыялагічныя даследаванні, і праводзяць іх канкуруючыя арганізацыі, якім не трэба для гэтага атрымліваць ліцэнзій у структур, прызначаных дзейным прэзідэнтам. Іх вынікі з дакладнасцю да 1—2% супадаюць з вынікамі выбараў.
5) Выбары ў Польшчы прайшлі ў гарачай палеміцы між кансерватарамі і лібераламі. Палітычная палярызацыя дасягнула максімуму, але ніякіх палітычных рэпрэсій няма.
6) У першай прамове пасля закрыцця ўчасткаў для галасавання прэзідэнт Польшчы запрасіў свайго суперніка з жонкай на сустрэчу ў рэзідэнцыю прэзідэнта.
7) У прэзідэнта Польшчы ўсяго толькі 6 рэзідэнцый, уключаючы будынак Канцылярыі (адпаведнік нашай Адміністрацыі), прытым што Польшча ў 4 разы большая па колькасці насельніцтва за Беларусь.
8) 30 гадоў таму Польшча і Беларусь выходзілі з аднаго сацыялістычнага лагера. Польшча выбрала будаўніцтва нацыянальнай дзяржавы, Еўрасаюз і дэмакратыю. Аляксандр Лукашэнка пасля 1994 года вярнуў савецкія асновы, стварыў саюз з Расіяй і пабудаваў рэжым асабістай улады. На сёння даход сярэдняй польскай сям'і прыкладна ў 3 разы перавышае даход сярэдняй беларускай сям'і.
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары