Чэрачэнь сказаў, што таксама не пойдзе на «Усебеларускі сход»
Кіраўнік партыі Беларуская сацыял-дэмакратычная Грамада ў інтэрв'ю «Народнай волі» патлумачыў сваю пазіцыю наконт «Усебеларускага народнага сходу».
— Як экс-кандыдат у прэзідэнты, старшыня партыі, бізнэсмен і чалавек, які адказна ставіцца да сваіх слоў і ўчынкаў, я рабіў, раблю і буду рабіць толькі тое, што сапраўды неабходна для маіх выбаршчыкаў і нашай краіны, — гаворыць Сяргей. — Для тых, хто не зразумеў: мая партыя магла б разглядаць Усебеларускі народны сход як пляцоўку для абмену думкамі і абмеркавання плана развіцця Беларусі, але цяпер гэта немагчыма.
Я ўпэўнены, што прыйдзе час, калі абодва бакі будуць вымушаны дамаўляцца, але гэта відавочна не сёння. Сёння апазіцыя і ўлада вельмі далёкія адна ад адной і не гатовыя вырашаць існуючыя праблемы.
Я заўсёды адкрыты да дыялогу і гатовы сумесна знаходзіць шляхі вырашэння складаных сітуацый. Усебеларускі народны сход не адлюстроўвае інтарэсаў маіх выбаршчыкаў і не дае магчымасці вырашыць праблему палітычнага, эканамічнага і сацыяльнага крызісу. Я буду назіраць за мерапрыемствам, але сярод удзельнікаў мяне не будзе.
Раней ад удзелу адмовіліся Ігар Барысаў (БСДП) і Сяргей Калякін («Справядлівы свет»).
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары