Намеснік губернатага Гомельскай вобласці пра кавід: Індыйскі штам ужо ёсць у Гомелі, гэта тры дні — і ў рэанімацыю
На Гомсельмашы прайшла сустрэча з намеснікам Гомельскага аблвыканкама Уладзімірам Прывалавым. У часе гутаркі з работнікамі прадпрыемства зайшла гаворка і пра кавід.
«Ранейшага жыцця — свабоднага, лёгкага, радаснага — ужо не будзе. У некаторых краінах суседзі перасталі размаўляць з суседзямі, сваякі — са сваякамі. Мы ж пайшлі іншым шляхам. Дзякуючы прэзідэнту, мы пайшлі па шляху разняволення. Сталі часцей бываць на свежым паветры, выкарыстоўваць ахоўныя маскі, вакцынавацца. Мы не загналі нашых людзей у памяшканні. Дзякуючы, у тым ліку, і гэтым метадам нам удалося знізіць колькасць людзей, якія захварэлі. Што да самой пандэміі, то яна нікуды не сышла і не сыдзе. І калі хтосьці да гэтага часу думае, што гэта яго не закране, ён памыляецца.
Узяць, да прыкладу, індыйскі штам. Калі тыдні два таму ён толькі з’явіўся ў Індыі, то сёння ўжо ёсць у Гомелі. Калі казаць немедыцынскай мовай, індыйскі штам — гэта тры дні —і ў рэанімацыю. Як выратавацца? Адказ адзін: трэба прышчапляцца», — сказаў намеснік губернатара.
Прывалаў выказаў незадаволенасць тым, што вакцынацыя ідзе вельмі павольна.
«Дзесяць адсоткаў ад агульнай колькасці работнікаў — гэта вельмі мала. Як з такімі лічбамі вы збіраецеся супрацьстаяць індыйскаму штаму? Зразумейце, трэба стварыць калектыўную праслойку. А каб яна ў Гомельскай вобласці запрацавала, неабходна прышчапіць 820 тысяч чалавек. Сёння гэтая лічба складае ўсяго толькі 200 тысяч чалавек. Гэта значыць па вакцынацыі мы яшчэ толькі ў пачатку шляху. І калі сёння прадпрыемствы, асабліва сельскагаспадарчыя, будуць нас цягнуць назад, мы з пандэміяй не справімся. Начытаюцца ў інтэрнэце розных здагадак адносна прышчэпак, потым пачынаюць абмяркоўваць. Сельмашаўцы, вы ж разумныя людзі! Не верце гэтым фэйкам! Для чаго яны робяцца? Для таго, каб выйграць барацьбу ў высокапрыбытковым бізнэсе. Але людзі ж не разумеюць, што за кожным укідам стаіць іх жыццё», — мяркуе Прывалаў.
Цяпер чытаюць
«Абмяркоўваем пытанне аб вызваленні яшчэ 1300 зняволеных». Трамп расказаў, пра што гаварыў з Лукашэнкам27
Каментары