Нечаканыя павароты здараюцца ў пытанні зачысткі недзяржаўных арганізацый, якая пачалася ў Беларусі ў сярэдзіне ліпеня. Пад атаку трапіў прарасійскі «Румол».
3-га жніўня Мінскі гарадскі суд пачне разгляд справы аб прыпыненні дзейнасці моладзевага сацыяльна-культурнага грамадскага аб’яднання «Русь маладая». Гэта прарасійская арганізацыя, якую доўгі час узначальваў Сяргей Лушч.
«Румол» запомніўся тым, што раздаваў георгіеўскі стужкі ў Мінску, а таксама арганізоўваў «Бессмяротны полк», дазвол на які пастаянна не давалі беларускія ўлады.
Сёлета Сяргей Лушч спрабаваў зарэгістраваць палітычную партыю «Саюз», але сутыкнуўся з адмовай ад Міністэрства юстыцыі. Лушч нярэдка з’яўляецца ў эфірах дзяржаўных тэлеканалаў, але гэта не дало яму індульгенцыі на палітычную дзейнасць.
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце25
Каментары