Рэшткі старажытнай пампейскай закусачнай — ці, кажучы па-лацінску, тэрмаполія — зрабілі даступнымі для наведвальнікаў руін горада. Будынак рэстарана, знойдзены ў мінулым годзе археолагамі, быў пахаваны пад вулканічным попелам разам з горадам Пампеі ў 79 годзе н. э. падчас вывяржэння вулкана Везувій.
Як лічаць археолагі, у свой час тэрмаполій абслугоўваў пампейскіх беднякоў і прапаноўваў ім ежу накшталт паэльі, мяса качкі і слімакоў. Наведвальнікамі закусачнай былі гараджане, якія наўрад ці мелі ў сваёй хаце кухню, таму яны і былі вымушаныя харчавацца ў іншым месцы, піша Daily Mail.
Рэшткі тэрмаполія былі раскопаныя ў мінулым годзе падчас даследаванняў на тэрыторыі Пампеяў, якія працягваюцца тут ужо шмат гадоў. Навукоўцы адшукалі прылавак з глыбокімі сасудамі, у якіх, імаверна, захоўвалася гарачая ежа. У адным з кантэйнераў археолагі знайшлі фрагмент качынай косткі, а ў іншых — рэшткі іншых жывёл, у тым ліку коз, свінняў, рыб і слімакоў. Таксама навукоўцы адшукалі антычны посуд, які выкарыстоўваўся ў тэрмаполіях. Захаваліся старажытная мазаіка і фрэскі, што ўпрыгожвалі тэрмаполій.
Археолагі кажуць, што тэрмаполій знаходзіўся ў выгадным месцы — каля плошчы з фантанам. У тым жа раёне была знойдзена яшчэ адна закусачная, а ўсяго ў Пампеях адшукалі 12 тэрмаполіяў.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос23
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары