У лагістычны цэнтр ля Гродна, дзе размясцілі мігрантаў з польска-беларускай мяжы, прыехала ігумення Гаўрыіла, якая з'яўляецца настаяцельніцай гродзенскага Свята-Раство-Багародзічнага жаночага манастыра.
Як бачна на відэа, ігумення жагнае дзяцей мігрантаў, заклікае іх маліцца, а таксама частуе шакаладкамі. Нагадаем, што большую частку мігрантаў складаюць курды, якія прытрымліваюцца ісламу.
Ігумення Гаўрыіла праславілася сваім выступам на «Мінск-арэне» 17 верасня 2020 года, у якім параўнала праціўнікаў Лукашэнкі, прыхільнікаў свабодных выбараў з «сектантамі» і «вар'ятамі», пасля сустрэчы з мітрапалітам Веніямінам ёй давялося прасіць прабачэння за свае словы. Змест яе прамовы выклікаў неадназначную ацэнку сярод праваслаўных.
Пасля былі візіты ў Гродзенскую міліцыю з тартамі ад манастыра са святочнымі надпісамі «Дзякуй АМАПу за мір, парадак і патрыятызм».
Цяпер чытаюць
Што робяць з беларусамі, якіх арыштавалі, але не паспяваюць асудзіць за пратэсты. Ёсць два шляхі3
Каментары