Затрымана кіраўніцтва банка БелВЭБ, у тым ліку Васіль Мацюшэўскі
Па інфармацыі «Наша Ніва», затрыманы старшыня праўлення БелВЭБа Васіль Мацюшэўскі і ўсё кіраўніцтва банка.
Сёння а 7-й ранку да іх прыйшоў Дэпартамент фінансавых расследаванняў.
Васіль Мацюшэўскі — былы віцэ-прэм'ер і адна з ключавых постацяў у беларускіх бізнэс-колах.
Сярод затрыманых таксама першы намеснік Мацюшэўскага Тарас Надольны, намеснікі старшыні Анатоль Барысевіч, Віктар Перапяліца і Дзмітрый Ляўданскі, член праўлення Анатоль Паўловіч і дырэктар па развіцці банка Аляксей Мазжухін.
Банк «БелВЭБ» — гэта дачынная структура расійскага «Внешэканомбанка». «БелВЭБ» уваходзіць у вялікую сямёрку беларускіх банкаў і крэдытуе, у асноўным, дзяржаўныя беларускія прадпрыемствы.
Васіль Мацюшэўскі — паважаная фігура ў банкаўскіх колах. З 2014 па 2018 ён быў віцэ-прэм'ерам ва ўрадзе Кабякова.
Падрабязнасці чытайце ў «Нашай Ніве» пазней.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары