У Беларусі на сёння больш за 3 600 зарэгістраваных фермерскіх гаспадарак. Для параўнання ў 2016 годзе іх было 3 000. Пры гэтым памер сярэдняй гаспадаркі істотна вырас.
З 2016 года да 2021 года плошчы фермерскіх зямель выраслі на 67% да 285 000 гектараў. З гэтага аб'ёму — 198 000 гектараў — ралля.
Сярэдні памер фермерскай гаспадаркі сёння складае 106 гектараў, піша тэлеграм-канал @agricultureby. Гэта на 41% больш, чым у 2016 годзе.
Аднак, нягледзячы на гэта рост, фермеры дагэтуль валодаюць толькі прыкладна 3,5% зямель і вырабляюць каля 2,9% сельгаспрадукцыі. У краіне дамінуюць вялікія і падкантрольныя дзяржаве гаспадаркі, што выраслі з былых калгасаў і саўгасаў.
Самыя запатрабаваныя фермерамі кірункі — агародніцтва і пладаводства. Сяляне садзяць бульбу, гародніну, сеюць збажыну, росцяць плады і ягады. Жывёлагадоўляй фермеры займаюцца мала. У агульным аб'ёме вытворчасці жывёлагадоўчай прадукцыі на долю сялянскіх гаспадарак прыпадае менш за 1%.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам1
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары