З’явіўся робат, здольны збіраць маліны. Мяккія ягады дагэтуль былі невырашальнай задачай для тэхнікі
У брытанскіх супермаркетах ужо прадаюць маліны, якія збіралі не людзі, а робаты. Збор малінаў — сапраўдны выклік для распрацоўшчыкаў тэхнікі, бо гэтая ягада мякчэйшая за іншыя і расце на высокіх кустах на рознай вышыні.
Але брытанскай кампаніі Fieldwork Robotics удалося даць рады выкліку. Яны вырабілі першых у свеце робатаў, якія здольныя акуратна збіраць менавіта такія мяккія ягады, як маліна. Распрацоўка каштавала два мільёны фунтаў стэрлінгаў.
Збіральнік малінаў ад Fieldwork Robotics — чатырохрукі робат амаль двухметровай вышыні. Усе рукі працуюць незалежна адна ад адной, шукаючы сярод лісця маліну. Робат вызначае спеласць малін і акуратна аддзяляе кожную ягаду ад галінкі.
Першапачатковая мадэль была аднарукай і працавала вельмі павольна, выдаткоўваючы не менш за хвіліну на збор адной ягады. Яе нават не пусцілі ў вытворчасць, а вырашылі дапрацаваць. Цяперашняя мадэль аўтаматызаванага зборшчыка маліны апрацоўвае больш за кілаграм ягад за гадзіну, і распрацоўнікі абяцаюць, што хутка яна зможа збіраць і па 4 кг.
Робат можа апынуцца цалкам рэальнай пагрозай для сезонных рабочых, якіх набіраюць уладальнікі плантацый.
Чалавек, які працуе на збіранні малінаў, у сярэднім збірае 15 тысяч ягад за дзень. А робат, кажуць у Fieldwork Robotics, здольны збіраць 25 тысяч ягад.
Дарэчы, кампанія распрацоўвае робатаў, прызначаных для збору і іншай сельскагаспадарчай прадукцыі, напрыклад, квяцістай капусты.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі23
Каментары