Грамадства

Кузнечыкі пра сюжэт на БТ пра іх уцёкі: Смяяліся некалькі разоў. Целарухі каля амбасады пачаліся толькі пасля нашага інтэрв'ю

Па БТ паказалі сюжэт пра ўцёкі Кузнечыкаў. Згодна з гэтай версіяй, сілавікі і ўлады далі магчымасць выехаць сям’і з Беларусі. Пра намеры сям'і службам нібыта было вядома, і яны да апошняга сачылі за дыпламатычным аўто, у якім везлі Кузнечыкаў, пакуль не атрымалі загад: «Першы» даў каманду адпускаць, ідзём на базу, ДАІ здымаю».

Скрыншот: відэа БТ

Прапагандысты падаюць усё так, нібыта ўлады вырашылі проста адпусціць бацьку і сына: «А навошта Кузнечыкі нам? Як аказалася, абузай яны былі для шведаў, ну а цяпер няхай Латвія находзіць прымяненне чарговым беглым, ядуць яны шмат», — абгрунтоўвае рашэнне вядучая.

Гэта галоўны пасыл сюжэта на ТБ — мы усёвідушчае вока, і без нашай адмашкі два беларусы, якія праходзяць па крымінальнай справе (артыкул 364 КК — гвалт ці пагроза яго прымянення ў дачынення да супрацоўніка ўнутраных органаў), не змаглі б збегчы з краіны нават пад прыкрыццём дыпламатаў.

Віталь і Уладзіслаў Кузнечыкі. Фота: Андрэй Стронін, «Зеркало»

Галоўныя героі сюжэта Уладзь і Віталь Кузнечыкі сустрэлі новую версію з тлумачэннем паспяховасці іх уцёкаў са смехам:

«Мы смяяліся ў лагеры па некалькі разоў, пераглядаючы сюжэт», — пракаментаваў «Нашай Ніве» Уладзь Кузнечык.

«Насамрэч, я ведаю ад знаёмых, што целарухі невядомых людзей каля шведскай амбасады ў Мінску, дзе мы жылі год і дзевяць месяцаў, пачаліся толькі пасля нашага першага інтэрв’ю СМІ — пасля нашай сустрэчы са Святланай Ціханоўскай. Некалькі дзён там невядомыя людзі вакол кружылі, я ведаю гэта ад праверанай крыніцы, але не магу казаць ад каго дакладна, каб не нашкодзіць. То-бок, службы даведаліся, што мы здолелі з бацькам уцячы за мяжу, пачыталі пра гэта ў медыя, паглядзелі відэаінтэрв'ю, даведаліся адтуль падрабязнасці і на аснове гэтага знялі ўжо сюжэт для беларускага тэлебачання, — мяркуе Уладзь. — Яны перагледзелі запісы з камер відэаназірання, схамянуўшыся. Але ж бачна, што яны каментары пра тое, што сочаць за намі — наклалі на ўсё відэа пасля.

Ніякай слежкі за намі не было заўважана: калі яна была, то чаму яны не паказалі, куды мы дзеліся з машыны? Яшчэ смешна, што там з'яўляюцца турыстычныя дываночкі: у нас такіх не было, мы выязджалі выключна з заплечнікамі, ежай на тры дні і зменным адзеннем.

Калі б беларускія ўлады хацелі нас сапраўды адпусціць, то зрабілі б гэта раней: пасол Швецыі пад канец 2021 і ў пачатку 2022 года некалькі разоў ездзіла ў МЗС Беларусі, прасіла, каб нам дазволілі выехаць з краіны з гуманных меркаванняў: для медыцынскага абследавання і лячэння. У МЗС адмовілі: сказалі што мы злачынцы, крымінальнікі».

Зараз Уладзь і Віталь Кузнечыкі збіраюць грошы на сваё ўладкаванне і лячэнне ў Латвіі: пакуль яны не атрымалі статус бежанцаў, яны не могуць працаваць. Кожны жадаючы можа падтрымаць сям’ю, заданаціўшы на іх медабследаванне і ежу з жытлом па спасылцы.

Чытайце таксама:

«Знаёмы пісаў: ідзі прасі прабачэння, прыбяры свой гонар, а то сядзіш у амбасадзе». Кузнечыкі, якія ўцяклі з Беларусі, расказалі і паказалі, як жывуць цяпер

Каментары

Цяпер чытаюць

Былы беларускі ваяр суткі катаваў свайго сябра, а пасля забіў сябе1

Былы беларускі ваяр суткі катаваў свайго сябра, а пасля забіў сябе

Усе навіны →
Усе навіны

Стрыжак расказаў, што цяпер будзе з «Байсолам»20

Мужчына разбіў відэакамеру ў пад'ездзе, надзеўшы для маскіроўкі трусы на галаву8

Скандынавія прыцягвае беларуса: дальнабойшчык расказаў аб працы ў краі вікінгаў2

«Матрошкамі ўжо не здзівіш». У Расіі заклікалі стварыць свой аналаг Лабубу3

Вядучая «Марафону адзінства» ў падтрымку Лукашэнкі адпачывала ў Латвіі27

На поўначы Брэста працягвае смярдзець, улады заклікаюць «не панікаваць»2

Са Швецыі дэпартуюць яшчэ адну беларускую сям'ю11

Пад Быхавам адкрылі помнік археалагічнай знаходцы 1960 года. Ён падобны да надмагілля

Ва Украіне пад уплывам пратэстаў вяртаюць незалежнасць антыкарупцыйным органам8

больш чытаных навін
больш лайканых навін

Былы беларускі ваяр суткі катаваў свайго сябра, а пасля забіў сябе1

Былы беларускі ваяр суткі катаваў свайго сябра, а пасля забіў сябе

Галоўнае
Усе навіны →

Заўвага:

 

 

 

 

Закрыць Паведаміць