Нядаўна прадстаўнікі беларускага і расійскага бізнэсу падпісалі мемарандум аб пашырэнні дзелавых кантактаў у галіне інавацый. У рамках гэтага дакумента, як паведамляе тэлеканал СТВ, Беларуская «Бела-Кола» заменіць амерыканскую газіроўку, вытворцы якой сышлі з рынку суседзяў.
Яшчэ ў маі Мінскі завод безалкагольных напояў, які вырабляе «Бела-Колу», нарасціў пастаўкі сваёй газіроўкі ў Расію на 50%. Пра тое, якія яе аб'ёмы будуць пастаўляцца туды цяпер, не ўдакладняецца.
У сюжэце СТВ адзначаецца, што беларускі вытворца захаваў імпартныя тэхналогіі напою.
Аднак без канкурэнцыі на новым рынку не абыдзецца: восенню ў Расіі з'явяцца і свае газаваныя напоі, якімі плануюць замясціць брэнд, які пакінуў рынак. Напрыклад, пакупнікам ужо абяцалі з'яўленне на паліцах крам такіх марак, як «Добрый Cola» або «Добрый Orange».
Дарэчы, раней паведамлялася, што ў адным з сельгаспрадпрыемстваў Шклоўскага раёна кола прымяняецца для выпойвання хворых цялят. І нібыта айчынны аналаг для гэтага падыходзіць нават лепш:
«Паводле слоў дырэктара калгаса, беларуская «Бела-Кола» больш эфектыўная ў лячэнні цялят, чым замежная Coca-Cola. Па складзе і тэхналогіях што адна, што другая плюс-мінус аднолькавыя, адзінае адрозненне — у беларускай коле ёсць кафеін, растлумачылі на прадпрыемстве. Цяляты п'юць, і становяцца больш бадзёрыя».
Чытайце таксама:
Цялят на шклоўскай ферме перавялі з Coca-Cola на патрыятычную Бела-Колу
На ферме ў Шклоўскім раёне цялятам даюць «Кока-Колу»
Цяпер чытаюць
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма8
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары