У OpenStreetMap ідзе галасаванне за выбар мовы: беларуская ці руская
У суботу распачалося галасаванне за пераклад найменняў аб'ектаў на мапе OpenStreetMap у Беларусі з рускай на беларускую мову.
На гэты момант, згодна з унутранымі правіламі супольнасці, усе назвы беларускіх аб'ектаў запаўняюць па-руску, але неўзабаве ўсё можа змяніцца.
OpenStreetMap (OSM) — гэта папулярная свабодная карта свету, якая выкарыстоўваецца ў Facebook, Instagram, Organic Maps і шматлікіх іншых праграмах, медыйных, некамерцыйных і дзяржаўных установах.
Каб узяць удзел у галасаванні, трэба аўтарызавацца на wiki.openstreetmap.org і пакінуць свой голас у адпаведным раздзеле на старонцы. Падлік галасоў скончыцца ў 23:59 7-га кастрычніка 2022 г.
Рашэнне будзе прынятае, калі за яго выкажуцца 75% актыўных удзельнікаў OSM у Беларусі (актыўны ўдзельнік — гэта той, хто рэдагаваў мапу не менш чым у трох розных месяцах за апошні год на тэрыторыі Беларусі).
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве3
Каментары