«Усходняе партнёрства» — гэта ініцыятыва Еўрапейскага саюза, якая была заснаваная ў маі 2008 году Польшчай і Швецыяй. Праграма разлічанае на збліжэнне шасці постсавецкіх краін (Беларусь, Украіна, Малдова, Грузія, Арменія, Азербайджан) з Еўрасаюзам. Больш інтэнсіўнае развіццё «Усходняе партнёрства» атрымала пасля вайсковага канфлікту на Паўночным Каўказе ў жніўні летась.
Доўгі час было не зразумела, ці прымуць ва «Усходняе партнёрства» Беларусь. У еўрапейцаў былі прэтэнзіі адносна становішча з дэмакратыяй і правамі чалавека ў нашай краіне. Тым не менш, ва ўстаноўчым саміце «УП» у Празе Беларусь рэпрэзентаваў віцэ-прэм’ер Уладзімір Сямашка. Беларусь стала паўнапраўнай удзельніцай УП.
Што «Усходняе партнёрства» можа даць нашай краіне? Праграма ўключае ў сябе гандлёвыя дамовы, праграмы па паляпшэнні адміністрацыйных функцыяў краінаў, праграмы для паляпшэння адміністратыўнай здольнасці краінаў-партнёрак, пагадненні па перамяшчэнні насельніцтва і яго бяспецы, вывучэнне магчымасцяў адкрыцця рынкаў для свабоднага перасоўвання рабочых, павелічэнне энергетычнай бяспекі. Пашырэнне супрацоўніцтва ў сферы аховы навакольнага асяроддзя. Развіццё малога і сярэдняга бізнесу.
У многім супрацоўніцтва будзе залежыць ад двухбаковых пагадненняў паміж Беларуссю і краінамі Еўрасаюзу. ЕС таксама чакае, што дзякуючы «Усходняму партнёрству» ўзрасце колькасць кантактаў паміж чыноўнікамі, спецыялістамі, прадстаўнікамі грамадскай супольнасці, што паспрыяе большай «сацыялізацыі» ў еўрапейскіх інстытутах значнага кола беларускага грамадства.
Для краін-удзельніц «Усходняга партнёрства» адкрываецца выдатная перспектыва будучага сяброўства ў Еўрасаюзе.Кажучы іншымі словамі, ўдзел у праграме прадугледжвае тую ж ступень дачыненняў з ЕС, якімі цешацца Нарвегія, Ліхтэнштэйн. Яны маюць тыя ж правы, як і краіны-сябры Еўрасаюзу, апроч супрацоўніцтва ў аграрнай сферы і права голасу.
Разам з тым, заахвочванне правоў чалавека і вяршэнства закона складаюць ядро палітыкі «Усходняга партнёрства», так адзначана ў выніковай дэкларацыі майскага саміту.
Фінансаванне «Ўсходняга партнёрства» на перыяд 2009—2013 гады складзе 600 мільёнаў еўра. З гэтых грошай Беларусь атрымае прыкладна ўостую частку.
Ці будуць выкарыстаныя гэтыя магчымасці, залежыць найперш ад Беларусі і яе жадання.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары