Старыя сандалі Стыва Джобса прадалі амаль за 220 тысяч даляраў
Стыў Джобс назаўсёды пакінуў след у тэхналагічнай індустрыі. Нядаўна іншая яго спадчына — пара ношаных сандаляў маркі Birkenstock, на якіх усё яшчэ захоўваюцца адбіткі яго ног — была прададзеная на аўкцыёне па рэкордна высокай цане.
Любімыя замшавыя сандалі Стыва Джобса, якія ён насіў у 70-80-я гады, былі прададзеныя на гэтым тыдні амаль за 220 тысяч даляраў. Па даных аўкцыённага дома, гэта стала самай вялікай сумай у гісторыі, якую заплацілі за пару сандаляў, піша Guardian.
На сваім сайце аўкцыённы дом Julien’s Auctions піша: «На коркава-джутавай вусцілцы захаваліся адбіткі ног Стыва Джобса, што сфармаваліся за шмат гадоў нашэння».
Джобс насіў сандалі Birkenstock Arizona, калі жыў у доме ў Каліфорніі, дзе ў 1976 годзе ён і Стыў Возняк заснавалі кампанію Apple. Чакалася, што гэты абутак, які сёння можна набыць у краме за 125 даляраў, мог быць прададзены за 60 тысяч даляраў. Але ж выніковая цана склала 218 750 даляраў, за якія неназваны пакупнік таксама атрымаў і адпаведны NFT.
Аўкцыённы дом сцвярджае, што Джобс насіў гэтыя сандалі ў шматлікія важныя моманты гісторыі Apple. Напрыклад, у 1976 годзе «ён разам з сузаснавальнікам Apple Стывам Вознякам у гаражы [горада] Лос-Альтас паклаў пачатак камп’ютару Apple», і там ён час ад часу надзяваў гэтыя сандалі.
Яны былі адной з асноўных частак гардэроба заснавальніка Apple, і былая жанчына Джобса расказвала, што ён насіў сандалі нават зімой, гэта быў элемент яго ўніформы. «Найлепшае ва ўніформе — тое, што вам не трэба турбавацца, што начапіць раніцай», — заўважыла тады Крысан Брэнан.
Чытайце таксама:
Старыя драўляныя дамы ў гарадах. Вядома, што з імі робяць у Беларусі. А вось што зрабілі ў Таліне
Баскская пісьмовая мова «пастарэла» на тысячагоддзе
Задача на логіку: тры выключальнікі і адна лямпачка
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос20
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары