Прэм'ер-міністр Украіны Дзяніс Шмыгаль у пятніцу сказаў, што Украіна за дзесяць месяцаў вайны выдаткавала на абарону 1,2 трыльёна грыўняў, гэта прыкладна 32,6 млрд даляраў.
«За час поўнамаштабнай вайны ўрад выдзеліў на сектар бяспекі і абароны больш чым 1,2 трлн грыўняў. Мы істотна павысілі выплаты ўсім вайскоўцам, больш за 250 млрд грыўняў было выдзелена на закупку і мадэрнізацыю зброі і тэхнікі, якая эфектыўна знішчае акупантаў», — сказаў Шмыгаль, коратка падводзячы вынікі года на апошнім сёлета пасяджэнні ўрада.
Яшчэ некалькі пунктаў з выступу Шмыгаля:
— эканамічная дапамога ад саюзнікаў Украіны склала 31 млрд даляраў,
— да выканання абаронных заказаў прыцягнутыя 28 тысяч прадпрыемстваў Украіны,
— 700 прадпрыемстваў перавезены ў менш небяспечныя рэгіёны краіны,
— Украіна сабрала нядрэнны ўраджай і забяспечыла сябе харчаваннем на наступны год,
— праблема забеспячэння палівам вырашана: да канца года імпарт гаручага ў параўнанні з сакавіком вырас у дзесяць разоў,
— паводле бягучай ацэнкі, на аднаўленне спатрэбіцца больш за 700 млрд даляраў; Украіна разлічвае на канфіскацыю і перадачу ёй замарожаных на Захадзе расійскіх актываў.
-
УСУ спалілі нафтаперапрацоўчы завод у Краснадарскім краі
-
«Нас у групе было 240. У палоне — сямёра. Астатнія двухсотыя». Андрэй з Віцебска, той самы чалавек-адкрывачка стаў адным з сямі шчасліўцаў
-
У друз. З'явілася фота наступстваў удару «Фламінга» па заводзе ў Валгаградзе, дзе могуць вырабляць «Арэшнік»
Каментары