Пасхалка для беларусаў: у серыяле «Экстрапаляцыі» паказалі пратэсты будучыні пад бчб-сцягам і са словамі Каліноўскага
Згадка пра Беларусь прагучала ў новым серыяле «Экстрапаляцыі» (Extrapolations), створаным Скотам Бёрнсам для Apple TV+. У пачатку першай серыі паказаны кліматычныя пратэсты пад беларускім бел-чырвона-белым сцягам, заўважыў reform.by.
Прэмʼера фільма адбылася 17 сакавіка 2023 года.
Першая серыя пачынаецца з аповеду пра глабальнае пацяпленне, якое прывяло да істотнай змены клімату ў 2037 годзе. Вядучы навін расказвае пра саміт па пытаннях клімату ў Тэль-Авіве. Каментарый вядучага суправаджаецца кадрамі экалагічнай катастрофы на Зямлі, спроб мігрантаў патрапіць у бяспечныя краіны і пратэстаў.
Гераіня фільма выступае праз галаграму на адным з мітынгаў, які транслюе ўкраінскае тэлебачанне. Відаць натоўп людзей, украінскія сцягі, аднак буйным планам на экране вялікі бел-чырвона-белы сцяг з гербам «Пагоня».
Адзін з дэманстрантаў трымае плакат са словамі Кастуся Каліноўскага «Не народ для ўрада, а ўрад для народа».
Цяпер чытаюць
Мяжа Беларусі з Літвой будзе закрыта мінімум да серады10
Каментары