Рух «За Свабоду» ў сябе ў сацсетках паведаміў пра смерць свайго сябра, віцебскага грамадскага актывіста Хрыстафора Жаляпава. Ён чатыры дні не дажыў да свайго 74-годдзя.
Хрыстафор Жаляпаў быў стваральнікам і кіраўніком віцебскага грамадскага аб'яднання «Самакіраванне і грамадства». Гэтая арганізацыя праіснавала больш за 11 гадоў і рэальна дапамагала мясцовым уладам, асабліва рэгіянальным саветам дэпутатаў, развіваць мясцовае ўпраўленне і самакіраванне ўсімі даступнымі законнымі спосабамі. Яно было таксама адным з цэнтраў аб'яднання віцебскай дэмакратычнай супольнасці.
Як і сотні іншых грамадскіх арганізацый, гэтае аб'яднанне ў верасні 2022 года было ліквідаванае рэжымам Лукашэнкі.
«Хрыстафор Жаляпаў быў генератарам ідэй, стваральнікам і рухавіком шматлікіх грамадскіх ініцыятыў Віцебшчыны. Сапраўдным грамадзянінам, які да апошніх дзён думаў не пра сябе, а пра іншых, глыбока перажываў і прапускаў праз сябе ўсе нягоды, якія абрынуліся на Беларусь», — напісалі калегі Жаляпава.
«Ад сярэдзіны 90-х Хрыстафор быў лідарам грамадзянскай супольнасці Віцебшчыны, узначальваў Цэнтр падтрымкі грамадскіх ініцыятываў. Дзякуючы яму віцебскі «трэці сектар» стаў адным з самых развітых і цікавых у краіне. Шчыры, разумны, неабыякавы, нястомны балгарын з беларускім сэрцам», — сказаў выданню «Позірк» сябар Жаляпава, экс-кандыдат у прэзідэнты і былы кіраўнік Руха «За Свабоду» Аляксандр Мілінкевіч.
Ён упэўнены, што імя Жаляпава «застанецца ў гісторыі змагання за еўрапейскую вольную Бацькаўшчыну».
Акрамя сяброўства ў Руху «За Свабоду», Жаляпаў таксама быў сябрам Сойму Партыі БНФ.
Развітанне з Хрыстафорам Жаляпавым адбудзецца 17 мая.
Чытайце таксама:
У зняволенага палітыка Мікалая Казлова памерла маці
У калоніі памёр палітвязень — пінскі блогер Мікалай Клімовіч
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца11
Каментары
Дзякуй Вам Хрыстафор за неабыякавасць і за службу.
Вечная памяць.
Хрыстафор
Жаляпаў --- сапраўдны Беларус, разумны
інтэлігэны добры Чалавек! Вельмі
шкада.Маё спачауваньне ягоным сваякам.Я
«знайшоў» яго (гледзячы з Менску) у
1992 г.,калі мы стваралі Беларускі Фонд
Падтрымкі Дэмакратычных Рэформаў (Фонд
імя Льва Сапегі)...Ён адразу пагадзіўся
узначаліць віцебскую філію Фонда.
Дзейнічаў ён (з сябрамі) сапраўды
паспяхова! Ён быў сапраўдным Дэмакратам
і ўсе свае высілкі прыклаў для таго каб
адукавваць грамадзян РБ для дзейнасьці
ў мясцовым самакіраваньні, для Правоў
Чалавека. Меравіта таму ён быў актыўны
ў шэрагу дэмакратычных арганізацый.
Але нельга не адзанчыць, што ён за сваю
актыўнасьць меў крымінальны пераслед
дыктатуры. Канешне вельмі гэта адбірала
у яго здароўе. А тыя татальныя катаваньня
дыктатуры сабодных людзей пасля 2020 г.
таксама адбіліся на ягоным здароўе...
Шкада вельмі. Яшчэ адзін сапраўдны
Беларус, Дэмакрат пакінуў нашыя шэрагі.
Але Беларусы будуць памятаць Хрыстафора
Жаляпава