Камандзір палка Каліноўскага назваў падзеі, што адбываюцца, «пачаткам канца вялікай тыраніі»
Дзяніс «Кіт» Прохараў заклікаў беларусаў быць гатовымі да ўступлення ў атрады самаабароны і папярэдзіў «вайскоўцаў і рэзервістаў»: «чакайце нашага сігналу».
«Спрыяльныя ўмовы для знішчэння дыктатуры імкліва набліжаюцца. Гэта пачатак канца вялікай тыраніі. Я звяртаюся да ўсіх беларускіх вайскоўцаў: не ўдзельнічайце ва ўнутраным канфлікце Расіі! Гэта грамадзянская вайна нас не тычыцца.
Для беларусаў важна іншае. Набліжаецца час, калі перад вамі паўстане выбар: выканаць злачынны загад ці прысягу, якую вы далі беларускаму народу.
Мы маем у Беларусі вялікі рэзерв, які ўключае дзейных вайскоўцаў, вайскоўцаў запасу і проста грамадзян, якія гатовыя дзейнічаць і вызваляць Беларусь ад дыктатуры і акупацыі.
Нам будуць патрэбныя людзі. Рыхтуйцеся да ўступу ў атрады самаабароны. Кожны горад, кожны квартал, кожная вуліца, будзьце гатовыя для кантролю за сваёй тэрыторыяй і для падтрымкі парадку.
Вайскоўцы, рэзервісты, беларусы, чакайце нашага сігналу. Час свабоды набліжаецца!» — сказаў Дзяніс «Кіт» Прохараў.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары