Украінскія вайскоўцы праверылі свае абарончыя магчымасці на паўночным кірунку. Як паведаміў камандуючы Аб'яднанымі сіламі УСУ Сяргей Наеў, завяршылася праверка абарончых магчымасцяў на жытомірскім, ровенскім і валынскім напрамках. Усе гэтыя рэгіёны мяжуюць з Беларуссю.
Скрыншот відэа
«Неўзабаве пагрозлівыя напрамкі будуць мацней прыкрытыя адпаведнымі інжынернымі загародамі», — заявіў Наеў.
Таксама, паводле яго слоў, мясцовыя часці УСУ пачалі адпрацоўваць дзеянні ў розных сітуацыях.
«Гэтая праца планава працягнецца і далей. Будуць узмоцненыя ўзбраеннем і вайсковай тэхнікай тыя падраздзяленні, якія выконваюць задачы непасрэдна ўздоўж дзяржаўнай мяжы. Абарона будзе ўзмоцненая», — рэзюмаваў Наеў.
Каментары