Тартар з запечанай гародніны — альтэрнатыва папулярнай мясной закусцы з сырога фаршу
Закуска тартар прыйшла з французскай кухні і ў арыгінале робіцца з сырога ялавічнага фаршу. Прапануем вегетарыянскую замену класічнаму тартару, для якой спатрэбяцца баклажаны, памідоры і перац. Хоць гэтая страва — з гародніны, яна атрымаецца вельмі сытнай.
Спатрэбіцца:
- 50 грамаў памідораў
- 50 грамаў салодкага перцу
- 3 галінкі свежага размарыну або трохі сухога
- 4 сталовыя лыжкі аліўкавага алею — або іншага, які вам смакуе
- 2 чайныя лыжкі солі
- 30 грамаў баклажана
- 1/3 чайнай лыжкі чорнага перцу
Акрамя таго:
- 1 сталовая лыжка аліўкавага алею — або іншага
- 2 сталовыя лыжкі лімоннага соку
- зялёныя алівы
- пучок пятрушкі
- чырвоная цыбуля
- яечны жаўток
- крэкеры
Як прыгатаваць тартар з запечанай гародніны:
- Баклажан памыйце, нарэжце кубікамі, пакладзіце ў міску і дадайце 1 чайную лыжку солі. Перамяшайце і пакіньце на 30 хвілін. Праз 30 хвілін зліце сок (калі ёсць). Так робяць, каб баклажан не гарчыў.
- Памідоры і перац нарэжце вялікімі кавалачкамі. Змяшайце з нарэзанымі баклажанамі, 1 чайнай лыжкай солі, аліўкавым алеем, перцам і размарынам. Перакладзіце гародніну ў гарачатрывалую форму для запякання.
- Накрыйце форму накрыўкай або алюмініевай фольгай і пастаўце ў разагрэтую да 180 градусаў па Цэльсію духоўку на 40 хвілін. Праз 40 хвілін асцярожна зніміце накрыўку, павялічце тэмпературу да 200 градусаў і працягвайце запякаць яшчэ 50 хвілін. Запечаную гародніну астудзіце.
- Астуджаную гародніну дробна нарэжце нажом. Запраўце аліўкавым алеем і лімонным сокам. Выкладзіце порцыю гародніны на талерку. У цэнтры зрабіце адтуліну, куды ўліце жаўток. Вакол гародніны раскладзіце дробна нарэзаныя алівы, цыбулю, пятрушку і крэкеры.
Карысна ведаць пры гатаванні агародніннага тартару:
калі пасля запякання гародніна выдзяляе даволі шмат соку, частку гэтага соку трэба выліць;
кансістэнцыя гародніны пасля нарэзвання не павінна нагадваць кансістэнцыю супу, наадварот, яна павінна быць дастаткова цвёрдай.
Больш рэцэптаў:
Рэцэпт на выхадныя. Італьянскія фрыкадэлькі з кабачкамі — арыгінальная і карысная страва
Шакшука са шпінатам: для тых, хто любіць эксперыментаваць
Маласольныя агуркі: у чым іх карысць і навошта дадаваць у слоік лісце дуба і парэчак
Цяпер чытаюць
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі2
Каментары
пэйсэ. вашы кручкі не чытало - бо вочы ламаюццо
мы ж з вамі даўно ̷з̷а̷м̷у̷ж̷а̷м̷ знаемы)
калі адкрыла гэты "рэцэпт", думаю - ну зараз адпішацца Жір
вуаля! ват оно )
не прымусіла сябе доўга чакаць )
Ад гародніны нічога не застанецца.