Да магілы Яўгена Прыгожына ў Пецярбургу пачалі пускаць наведвальнікаў
Раніцай 30 жніўня ахвотных развітацца з загінулым у выніку крушэння самалёта 23 жніўня Яўгенам Прыгожыным сталі пускаць да яго магілы на Парахаўскіх могілках. Там заснавальніка ПВК «Вагнер» пахавалі напярэдадні ў «закрытым фармаце».
На могілках развесілі стрэлкі-паказальнікі, якія вядуць да магілы. Па даных «ратонды», раніцай магілу наведалі жонка і дачка Прыгожына, піша тэлеканал «Дождь».
Побач з магілай стаяць дзясяткі вянкоў, кожны з якіх — ад сваякоў і «баявых таварышаў» Прыгожына. Пры гэтым вянкоў ад дзяржаўных ведамстваў і афіцыйных асоб няма.
Адна з наведвальніц могілак распавяла «Фантанцы», што яе сын працаваў у рэстаране Прыгожына, а цяпер ён мабілізаваны, але ў баявых дзеяннях не ўдзельнічае. Са слоў жанчыны, яна чакала сустрэць на могілках натоўп і здзівілася, што «народу мала».
Мужчына, які адным з першых усклаў кветкі на магілу, назваў гібель Прыгожына «кашмарам».
«У кожнага ў сэрцы цяпер боль, смутак, бо такіх патрыётаў, людзей, якія рэальна любяць сваю радзіму і робяць для яе нешта, для нашай вялікай краіны, для Расіі — адзінкі», — сказаў ён «Фантанцы».
Прыгожына пахавалі ў Санкт-Пецярбургу на падкрэслена непрэстыжных могілках
Расія адмовілася ад міжнароднага ўдзелу і міжнародных правіл у расследаванні катастрофы самалёта Прыгожына
«Адзінае пытанне, ці сапраўды Шайгу такі тупы». Вайсковы эксперт назваў сваю версію катастрофы самалёта Прыгожына
СК Расіі пацвердзіў гібель Яўгена Прыгожына
Лукашэнка: Я і не павінен гарантаваць бяспеку Прыгожына. А вагнераўцы «нікуды не бягуць»
Каментары