Прэм'ер Індыі выступіў на пасяджэнні G20 з шыльдай «Бхарат» замест «Індыя»
Прэм'ер-міністр Індыі Нарэндра Модзі выступіў на саміце G20 у Нью-Дэлі з таблічкай, на якой было напісана слова «Бхарат», піша газета Hindustan Times. Так называецца краіна на хіндзі.
Фота: інстаграм Нарэндры Модзі
У сваёй уступнай прамове на першай сесіі саміту One Earth Модзі выкарыстаў таксама гэтую назву краіны. «Бхарат вітае дэлегатаў у якасці старшыні G20», — заявіў індыйскі прэм'ер.
Згодна з Канстытуцыяй, у Індыі дзве афіцыйныя мовы: англійская і хіндзі. На англійскай мове краіна называецца Індыя, а на хіндзі — Бхарат.
Каментары