Ці хапіла Сахашчыку года, каб выйсці з расійскага грамадзянства?
Амаль год таму, 22 верасня 2022 года, прадстаўнік Аб'яднанага пераходнага кабінета па абароне і нацыянальнай бяспецы Валерый Сахашчык запусціў працэдуру адмовы ад расійскага грамадзянства. Ці атрымалася ў яго за гэты час выйсці з грамадзянства Расіі, запыталася ў палітыка «Люстэрка».
Як сказаў Сахашчык, у яго няма інфармацыі, як рухаецца гэта справа, і няма нават асаблівых механізмаў гэта адсочваць:
«Я зрабіў усё, што мог. Афіцыйна, пад відэакамерамі, выслаў усе дакументы. І ніяк больш паўплываць на гэты працэс [выхаду з грамадзянства Расіі] я не магу».
Паводле палітыка, сама працэдура выхаду з расійскага грамадзянства і ягонае цяперашняе асабістае становішча не дазваляе гэты працэс паскорыць:
«Паводле заканадаўства Расійскай Федэрацыі, я павінен з'явіцца асабіста з пашпартам [у тэрытарыяльны орган МУС у Расіі] і там падаць дакументы. Але я фізічна не магу гэта зрабіць, бо мой пашпарт у беларускіх кадэбэшнікаў. А калі я з'яўлюся ў Беларусі, то наўрад ці выйду адтуль».
Зрэшты, яго здзіўляе, чаму да яго могуць тут яшчэ быць нейкія прэтэнзіі:
«Я неяк сваім жыццём, сваёй працай выклікаю сумневы? У некага ўзнікаюць здагадкі, што я працую на Расію? Не думаю, што даў падставу так пра мяне казаць.
У кожным разе, я не лічу сябе грамадзянінам Расіі. А нават калі б хацеў, не змог бы гэтага зрабіць, таму што тэрмін дзеяння майго пашпарта скончыўся больш за два гады таму. І, натуральна, я не прыкладаў ніякіх намаганняў, каб яго прадоўжыць.
Таму ні ў мяне, ні ў каго-небудзь няма ані найменшых юрыдычных падстаў лічыць мяне грамадзянінам РФ», — падкрэслівае Сахашчык.
Валерый Сахашчык атрымаў расійскае грамадзянства ў 1992 годзе падчас распаду СССР аўтаматычна, бо ў той час служыў у вайсковай часці, з Расіяй звязанай. Пасля ён карыстаўся ім, як сцвярджае, толькі для таго, каб весці свае бізнэс-праекты з афрыканскімі краінамі, у якіх быў бязвізавы рэжым з Расіяй, але не было з Беларуссю.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары
вообще-то да) и немалые)