Адзін з босаў «Коза ностра» памёр у Італіі. Яго не маглі знайсці 30 год
Матэа Месіна Дэнара, бос мафіі «Коза ностра», знаходзіўся ў вышуку некалькі дзясяткаў гадоў і лічыўся адным з самых небяспечных злачынцаў.
62-гадовы Матэа Месіна Дэнара ўпаў у кому 22 верасня, пасля чаго сканаў. Ён тры гады хварэў на рак тоўстай кішкі.
Мужчыну затрымалі 16 студзеня 2023 года ў прыватнай клініцы «Мадалена» ў Палерма, дзе ён праходзіў тэрапію.
Па даных La Repubblica, Дэнара быў апошнім босам «Коза ностра» першай велічыні, хто яшчэ заставаўся на волі.
У 2020 годзе італьянскі суд завочна асудзіў Матэа Месіну Дэнара да пажыццёвага турэмнага зняволення. Другі пажыццёвы тэрмін ён атрымаў за саўдзел у арганізацыі забойстваў легендарных італьянскіх следчых Джавані Фальконэ і Паола Барселіна і васьмі паліцэйскіх-ахоўнікаў на Сіцыліі ў 1992 годзе.
Раней італьянца ўжо прыгаворвалі да пажыццёвага тэрміну за ўдзел у арганізацыі тэрактаў у Рыме, Фларэнцыі і Мілане ў 1993 годзе, у выніку якіх загінулі дзесяць чалавек і каля ста былі параненыя.
Дэнара хаваўся з лета 1993 года. Каб стаць непазнавальным, мужчына зрабіў пластычную аперацыю. Акрамя таго, праца паліцыі і пракуратуры Італіі па пошуку боса «Коза ностра» Матэа Месіны Дэнара, які хаваўся 30 гадоў, ускладнялася незвычайна моцнай лаяльнасцю, якой той заручыўся на захадзе Сіцыліі.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары