У судзе Жлобінскага раёна 19 кастрычніка вынесены чарговы прысуд па 342 артыкуле Крымінальнага кодэкса. Судзілі жыхара Жлобіна Максіма Калінічэнку, абвінаваціўшы яго ў арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх, піша «Вясна».
Максіма Калінічэнку затрымалі 16 жніўня 2023 года на трое сутак, затым ён быў вызвалены да суда пад паруку. Да затрымання працаваў на пуцявой машыннай станцыі №117 «Жлобін-Паўночны».
Па матэрыялах абвінавачання, Калінічэнка, «дзейнічаючы сумесна і ўзгоднена ў групе з іншымі асобамі прыкладна да 1 гадзіны 30 хвілін 10 жніўня 2020 года, стаяў на праезнай частцы вуліцы, перашкаджаючы руху грамадскага і іншага транспарту, пляскаў у далоні, гучна крычаў, свістаў, выкрыкваў розныя лозунгі, дэманстратыўна-грэбліва, адкрыта адмаўляўся ад выканання вышэйзгаданых законных патрабаванняў прадстаўнікоў улады».
Суд палічыў, што Калінічэнка здзейсніў злачынства, якое прадстаўляе павышаную грамадскую небяспеку, аднак пры гэтым раней не судзімы, мае пастаяннае месца працы, станоўча характарызуюцца, мае ўстойлівую матывацыю на сацыяльную рэабілітацыю.
У выніку суддзя Святлана Рубахава прысудзіла Максіму абмежаванне волі без накіравання ў папраўчую ўстанову адкрытага тыпу на тэрмін адзін год і шэсць месяцаў.
Чытайце таксама:
Аб'явілі збор у падтрымку ўдзельнікаў гурта Tor Band і іх сем'яў
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь11
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары