Цягам двух гадоў Дзяржаўная памежная служба Літвы павінна папоўніцца 450 новымі афіцэрамі, якія будуць ахоўваць мяжу з Беларуссю.
«Агульная колькасьць дадатковых афіцэраў праз два гады складзе каля 450 чалавек, яны будуць накіраваныя на ахову мяжы з Беларуссю», — сказаў кіраўнік ведамства Рустам Любаеў падчас пасяджэння камітэта Сейма па нацыянальнай бяспецы і абароне, піша BNS.
«Мы хочам узмацніць ахову мяжы», — падкрэсліў ён.
Дадатковыя афіцэры будуць прынятыя на службу ў 2024-2025 гадах.
«Мы прагледзелі нашы кадравыя варыянты, відаць, цяжка будзе адразу за год арганізаваць навучанне і запоўніць пасады. У выніку мы прагназуем на два гады. Пачнем з наступнага года, калі будзе зацверджаны бюджэт, а скончым праз год», — патлумачыў Рустам Любаеў.
Зараз у Дзяржаўнай памежнай службе працуюць 4,3 тысячы чалавек.
Мяжа Літвы з Беларуссю з'яўляецца таксама знешняй мяжой Еўрасаюза. З 2021 года літоўскія памежнікі не пусцілі ў краіну 21,5 тысячы мігрантаў з тэрыторыі Беларусі.
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары