У Польшчы адмянілі канцэрты гурта «Пошлая Молі» пасля хамскіх выказванняў яго саліста
Пра адмену канцэртаў у Гданьску, Варшаве, Кракаве, Познані і Уроцлаве, запланаваных на лістапад і снежань, заявілі іх арганізатары Winiary Bookings.
Перад гэтым у інстаграме саліст гурта ўкраінец Кірыла Бледны запісаў відэаролік з вялікай колькасцю мату, у якім надзвычай абразліва выказаўся пра польскую мову.
Пасля таго, як на відэазапіс звярнулі ўвагу СМІ, Бледны сказаў, што, маўляў, пажартаваў, і папрасіў прабачэння за свае выказванні. Але палякі, як выглядае, «жарту» не зразумелі і не ацанілі.
У 2022-м Бледны ладзіў дабрачынны канцэрт у падтрымку Украіны і выступаў супраць поўнамаштабнага расійскага ўварвання. Аднак ужо ў чэрвені таго ж года спявак выпусціў сумесны трэк з расійскім рэперам Маладым Платонам. Пасля гэтага лідара «Пошлай Молі» абвінавацілі ў тым, што ён «пераабуўся», бо азначаны рэпер на той час ніяк не праяўляў сваёй пазіцыі наконт вайны.
Адзначым, што гурт Бледнага цяпер не выступае ні ва Украіне, ні ў Расіі. У Беларусь «Пошлая Молі» прыязджала яшчэ ў 2021-м, і тады на канцэрце скандавалі «Жыве Беларусь».
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»9
Каментары