На мяжы Кітая і Кыргызстана адбылося некалькі моцных землятрусаў. Людзі атрымалі траўмы, выбягаючы з дома
Сейсмолагі налічылі мінімум шэсць землятрусаў.
Першы землятрус адбыўся ў 00:09 па мясцовым часе. Інтэнсіўнасць у эпіцэнтры склала 8 балаў. Другі адбыўся ў 00:42. Яго інтэнсіўнасць склала 6 балаў.
Трэці быў зафіксаваны ў 1:36 — 6 балаў. Чацвёрты ў 2:57 інтэнсіўнасцю 5 балаў. Пяты адбыўся ў 5:19 інтэнсіўнасцю 6 балаў. Шосты быў зафіксаваны ў 7:18. Інтэнсіўнасць у цэнтры склала 5,5 бала, паведамляе кыргызстанскі сайт 24.kg.
Землятрус адчуваўся і ў Казахзстане, паведамляе vecher.kz.
У Алматы пацярпелі 8 чалавек. Усе яны адразу ж былі дастаўленыя ў бальніцу.
«Тры чалавекі атрымалі траўмы ў сувязі з тым, што выскачылі з 2-га і 3-га паверхаў жылых дамоў. Двое з іх пасля абследавання былі адпраўленыя на амбулаторнае лячэнне, а стан трэцяга ацэньваецца як цяжкі, ён шпіталізаваны», — гаворыцца ў паведамленні МНС
Яшчэ пяць чалавек атрымалі траўмы, выбягаючы з дому. Пасля аказання неабходнай медыцынскай дапамогі, яны таксама былі адпраўленыя на амбулаторнае лячэнне.
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе11
Каментары