Том Холандэр выпадкова «атрымаў» грошы Тома Холанда. І перастаў быць задаволены сабой
Зорка фільма «Белы лотас» Том Холандэр у эфіры перадачы Late Night прызнаў, што вонкава яго наўрад ці можна прыняць за брытанскага акцёра Тома Холанда, які праславіўся дзякуючы ролі чалавека-павука ў фільмах Marvel. Але ўсё ж такі яны цёзкі і іх прозвішчы падобныя, што не раз прыводзіла да блытаніны. Верагодна, з гэтай прычыны 56-гадовы Холандэр аднойчы «атрымаў» прэмію свайго 27-гадовага калегі. Падрабязнасці прыводзіць The Guardian.
Холандэр успомніў, што быў на спектаклі сябра, за які той атрымліваў па 300 еўра на тыдзень.
«Я тады такі самазадаволены быў — толькі што зняўся ў шоў Бі-бі-сі за 30 тыс. ці каля таго. Гэтых грошай мне б хапіла на год. Я лічыў сябе багатым», — кажа акцёр.
Пасля спектакля ён збіраўся падысці да сябра, выступіць у якасці ягонага апекуна і пахваліць яго. Але падчас антракту Холандэр вырашыў праверыць электронную пошту і ўбачыў там паведамленне, прызначанае для Холанда.
Ліст быў пазначаны як першы транш касавых збораў за «Мсціўцаў».
«Дзіўная сума. Гэта быў нават не заробак, а першы бонус за касавыя зборы. Такіх вялікіх грошай я ў жыцці не бачыў. Сума была сямізначнай. Мая самазадаволенасць знікла», — заявіў Холандэр.
Праўда, не кожны праект Marvel можа пахваліцца галавакружнай касай. Самыя дрэнныя зборы з усіх праектаў франшызы ў дэбютным пракаце прадэманстраваў «Капітан Марвэл 2». У ЗША на старце гэтая стужка зарабіла 47 млн даляраў. Магчыма, на зборах адбілася тое, што аўдыторыя стамілася ад супергероікі. Яшчэ адна прычына — забастоўка акцёраў, якая перашкодзіла выканаўцам галоўных роляў удзельнічаць у прасоўванні карціны, адзначае РБК Life.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы22
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары