Грамадзянін Беларусі Максім Запека быў уключаны ў спіс абмену палоннымі, які 31 студзеня адбыўся паміж Расіяй і Украінай, даведалася «Радыё Свабода».
«Запеку сёння абмянялі. Як і іншых расійскіх палонных, яго перадалі расійскаму боку», — паведамілі «Радыё Свабода» ў праекце «Хачу жыць», створаным для расійскіх вайскоўцаў.
Іншых дэталяў гэтага абмену не ўдакладнілі.
У той жа час сярод тых украінскіх вайскоўцаў, якія ў межах абмену вярнуліся ва Украіну, беларускіх добраахвотнікаў, захопленых у палон Расіяй, няма.
33-гадовы Максім Запека ваяваў у складзе 150-й дывізіі, 102-га палка, 3-га батальёна, 9-й роты УС РФ. У палон здаўся ў раёне Бахмута Данецкай вобласці.
Раней у яго былі праблемы з законам. З 2012 да 2019 года яго 13 разоў прыцягвалі за дробныя правапарушэнні, часцей за ўсё за знаходжанне ў пʼяным відзе.
Мужчына паходзіць з аграгарадка Хутар Светлагорскага раёна. Да таго, як патрапіць на вайну, мужчына працаваў мулярам у Беларусі, тынкоўшчыкам-мулярам у Марыупалі, зваршчыкам у Маскве ў фірме «Гармост».
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх5
Каментары