У студзені 2024 года інфляцыя ў Беларусі вырасла на 0,8% у параўнанні са снежнем 2023 года. Звесткі аб індэксе спажывецкіх цэн апублікаваў Белстат.
Харчовыя тавары сталі даражэйшымі ў сярэднім на 1,3%, нехарчовыя і паслугі выраслі на 0,4%.
Калі параўноўваць студзень 2024-га са студзенем 2023-га, то гадавая інфляцыя ў Беларусі склала 5,9%. Больш за ўсё падраслі за гэты час цэны ў сферы паслуг — на 7,5%, далей ідуць харчовыя тавары з паказчыкам у 6,9% і нехарчовыя тавары — яны выраслі на 3,1%.
У катэгорыі харчовых тавараў асаблівым ростам адзначыліся гародніна (+6,4%), садавіна (+2,5%), алкагольныя напоі (+1,8%). На 1,5% большымі сталі цэны на курыныя яйкі, якія нядаўна сталі ў вялікай колькасці пастаўляцца ў Расію.
Больш за ўсё сярод нехарчовых тавараў павялічыліся цэны на друкаваныя выданні — на 2,7%. За імі ідуць лекі (1,8%), а таксама дываны і дывановыя вырабы (1,3%). Праўда, абутак нават патаннеў на 1%.
Самыя высокія тэмпы росту прадэманстравала катэгорыя прававых паслуг — яны сталі даражэйшымі на 8,1%. На 2,5% выраслі паслугі ў культурнай сферы, санаторна-аздараўленчыя — на 1,7%.
Затое крыху танней стала лётаць самалётамі — на 2,4%.
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары