Мукавозчык: Калі ГУБАЗіК затрымае мяне за падпіску на Матольку, абсалютна будзе мець рацыю
Прапагандыст Андрэй Мукавозчык паразважаў, што будзе з праўладнымі журналістамі, якія падпісаны па працы на «экстрэмісцкія» каналы.
У праграме «Скажинемолчи» на БТ вядучая Вікторыя Папова заўважыла, што цяпер усіх журналістаў правяраюць: «Цяпер без праверкі нацбяспекі ты ніякія мерапрыемствы не наведаеш. Але ж ёсць памылкі.
Ёсць людзі з аднолькавымі прозвішчамі, якія не стаялі, не рабілі, не прыцягваліся. Але іх не пускаюць, пазбаўляюць. У гэтага медаля ёсць адваротны бок. І мы пазначаем гэтых людзей. Мы іх адварочваем на пустым месцы. Як тут быць? Ці правільна працуе сістэма правасуддзя?»
«Гэта дыялектыка. Любое белае ўтрымлівае ў сабе трошкі чорнага. Ні адна сістэма не працуе ідэальна. Тое, што мы цяпер гаворым, ужо крокі да таго, каб яна працавала лепей», — адказаў ёй Мукавозчык.
Прапагандыст тлумачыць: там выконваюць загады.
«У нас задаюць пытанне: «Што мне рабіць? Я журналістка і па службовых абавязках падпісана на экстрэмісцкія каналы. Вось калі ў мяне возьмуць тэлефон і правераць, што са мною будзе?
Нармальны адказ — забяруць на 15 сутак. І за гэты час разбяруцца. Чалавек з ГУБАЗіК не павінен ведаць, што я Мукавозчык. Ён бачыць у мяне падпіску на NEXTA, Матольку і рэагуе так, як яму прадпісвае службовая інструкцыя. І ён абсалютна мае рацыю».
Чытайце яшчэ:
Мукавозчык: Пагоню пара ў іх забіраць, яна павінна быць наша
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары
А вось калі каго-небудзь меней вядомага прымуць так, як іншых нявінных беларусаў - са здзекамі, са збіццём, з выдзіраннем валасоў, з катаваннем электрашокерам - вось няхай на ўласнай скуры адчуюць.