Спікер Ваенна-марскіх сіл УСУ Дзмітрый Плецянчук паведаміў, што ў акупаваным Крыме быў знішчаны верталёт Ка-27. Ніякіх падрабязнасцяў пакуль няма.
«Мінус расійскі Ка-27 у Крыму. Нешта шукаў. Знайшоў», — напісаў Плецянчук у фэйсбуку.
Ніякіх іншых падрабязнасцяў, як і відэадоказаў, ён не прывёў.
Ка-27 — патрульны супрацьлодкавы верталёт. Ён здольны выяўляць сучасныя падводныя лодкі і надводныя цэлі, а таксама атакаваць іх з ужываннем бартавых сродкаў паразы.
Паводле УСУ, з пачатку ўзброенай агрэсіі Расія страціла ў вайне 325 верталётаў.
Каментары