Дзве краіны ў ЕС прапанавалі не абмяжоўваць вываз люксавых тавараў у Беларусь
Германія і Францыя выступілі з ініцыятывай не абмяжоўваць вываз з ЕС люксавых тавараў, у прыватнасці аўтамабіляў, праз Беларусь. Пра гэта піша «Прайм» са спасылкай на Politico.
Са слоў еўрапейскіх дыпламатаў, якія выступілі ў Politico, Германія пярэчыць таму, каб ЕС «закрыў шчыліну», якая дагэтуль дазваляе перамяшчаць прадметы раскошы ў Расію праз Беларусь.
Адначасова і Францыя не падтрымлівае ўвядзенне Еўрасаюзам абмежаванняў на пастаўкі люксавых тавараў у Расію. Пры гэтым Парыж гатовы да «жорсткіх захадаў у дачыненні да краін, якія абыходзяць санкцыі», калі гаворка ідзе пра «тавары, якія служаць вайсковым намаганням Расіі».
У дыскусіі, якая разгарнулася ў Еўракамісіі, Германія настойвае на ўзмоцненым экспартным кантролі толькі тавараў, прыдатных у ваенных дзеяннях Расіі.
На Германію прыходзіцца каля 42% экспарту аўтамабіляў з ЕС у Беларусь.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі18
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары