Толькі на мінулым тыдні Шаркіч гуляў супраць Бельгіі ў таварыскім матчы і быў прызнаны найлепшым гульцом паядынку.
Мація Шаркіч, які падпісаў кантракт з лонданскім «Мілуолам» з другога англійскага дывізіёна мінулым летам, нечакана захварэў у чарнагорскім горадзе Будва і памёр сёння ва ўзросце 26 гадоў, піша The Mirror.
Футбалісту, які выступаў за шэраг брытанскіх клубаў, уключаючы «Астан Вілу», «Вулверхэмптан», «Бірмінгем Сіці» і «Сток Сіці», стала дрэнна ў сваёй кватэры ў горадзе Будва. Яго сябры неадкладна выклікалі хуткую дапамогу, але ён памёр каля 6:30 раніцы па мясцовым часе.
На мінулым тыдні Шаркіч гуляў супраць Бельгіі ў таварыскім матчы і быў прызнаны найлепшым гульцом, здзейсніўшы дзевяць сэйваў, хоць чарнагорцы і прайгралі 0:2.
Клуб заўзятараў «Мілуола» апублікаваў паведамленне: «Жудасныя навіны мы пачулі сёння раніцай: наш брамнік Мація Шаркіч памёр ва ўзросце 26 гадоў. Жудасныя навіны для яго сяброў і сям'і, а таксама для ўсіх нас, звязаных з «Мілуолам». Аднойчы стаўшы львом, ты застанешся ім назаўжды».
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні10
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары