Расійскі сэрвіс не размясціў беларускамоўную песню — палічыў, што трэк прапагандуе нацыяналізм ці гвалт
Пра непрыемны выпадак у сваіх сацыяльных сетках распавяла беларуская спявачка PAULINN, якая цяпер жыве ў Польшчы.
Некаторы час таму PAULINN заўважыла, што песні яе іншага праекта Plater чамусьці зніклі са стрымінгавых пляцовак. Артыстка вырашыла паспрабаваць зноў іх загрузіць у інтэрнэт.
— Спачатку я шукала міжнародныя сэрвісы дыстрыбуцыі, але пасля некалькіх гадзін пошукаў бясплатнага сэрвісу з падтрымкай кантэнту на беларускай мове, кінула пошукі і паспрабавала зноў праз стары добры freshtunes, — напісала PAULINN. — Ведаю, ведаю, сайт расійскі… Але ж праз яго я ўжо не аднойчы загружала беларускамоўны кантэнт і ўсё было добра. Гэтым разам атрымалася не так…
Рускамоўную песню «Алгоритмы» сэрвіс хутка апублікаваў без дадатковых пытанняў. А вось з беларускамоўнай песняй «Мама» адразу ўзніклі праблемы. Сервіс freshtunes запатрабаваў доказы аўтарства, а таксама некаторыя дакументы кшталту пашпарту спявачкі. PAULINN даслала ўсё, што было патрэбна, але не атрымала ніякага адказу. А сёння пабачыла ў асабістым кабінеце, што трэк выдалены, бо «забаронена выкарыстоўваць кантэнт, звязаны з нацыяналізмам, экстрэмізмам, прапагандай зброі, гвалту». Спявачка мяркуе, што праблемы ўзніклі менавіта праз мову песні, бо ні пра які гвалт ці зброю гаворкі там не ідзе.
— У сувязі з гэтым у мяне пытанне да беларускамоўных творцаў: праз якіх дыстрыб'ютараў вы выкладаеце свае песні на стрымінгі? Ці ёсць там опцыя «беларуская мова» для кантэнту? — спытала PAULINN.
Маргарыта Ляўчук знайшла, як вырашыць праблемы з прысудам у Беларусі
На Славянскім базары выступіць адна артыстка з Украіны. Чаму ў Ані Лорак такая пазіцыя?
Банк Англіі адкладзе паніжэнне ключавой стаўкі з-за канцэртаў Тэйлар Свіфт
Былыя палітвязні пераадкрываюць бар — тыя самыя «Банки-Бутылки», якія закрылі пасля выканання там песні «Океан Ельзи»
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі5
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2727
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра27
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары