ЗША і саюзнікі па НАТА паставяць Украіне пяць дадатковых сістэм СПА.
На пачатку працы саміту альянсу лідары некалькіх краін-саюзніц зрабілі сумесную заяву аб выдзяленні зброі і тэхнікі для абароны Украіны ад расійскіх удараў з паветра, піша «Голас Амерыкі».
Метадычныя ўдары Расіі па крытычна важных абʼектах Украіны і, асабліва, яе апошні жорсткі напад на грамадзянскія абʼекты, у тым ліку дзіцячую бальніцу, выклікалі неадкладную рэакцыю сярод лідараў краін-членаў Паўночнаатлантычнага альянсу.
У першы дзень працы саміту НАТА з сумеснай заявай аб прадастаўленні дадатковых сістэм СПА Украіне выступілі прэзідэнт ЗША Джо Байдэн, прэмʼер-міністр Нідэрландаў Дзік Шуф, канцлер Германіі Олаф Шольц, прэмʼер-міністр Італіі Джорджа Мелоні, прэзідэнт Румыніі Клаўс Ёханіс.
«Сёння мы абʼяўляем, — гаворыцца ў заяве, — што калектыўна дамо Украіне дадатковыя стратэгічныя сістэмы супрацьпаветранай абароны, у тым ліку дадатковыя батарэі Patriot, падораныя Злучанымі Штатамі, Германіяй і Румыніяй, кампаненты для Patriot, падораныя Нідэрландамі і іншымі партнёрамі для забеспячэння эксплуатацыі сістэмы; дадатковую батарэю Patriot і дадатковую сістэму SAMP-T, падораную Італіяй. Гэтыя пяць стратэгічных сістэм СПА дапамогуць абараніць украінскія гарады, мірнае насельніцтва і вайскоўцаў».
Акрамя таго ў бліжэйшыя месяцы ЗША і партнёры маюць намер даць Украіне дзясяткі тактычных сістэм СПА, у тым ліку сістэмы NASAMS, HAWK, IRIS T-SLM, IRIS T-SLS і Gepard.
Пры гэтым некалькі саюзнікаў, уключаючы Канаду, Нарвегію, Іспанію і Вялікабрытанію, прадоўжаць пастаўкі такіх жа сістэм, а многія іншыя прыхільнікі Украіны будуць дапамагаць у прадастаўленні перахопнікаў СПА.
У сярэдзіне траўня прэзідэнт Украіны Уладзімір Зяленскі ў інтэрвʼю AFP заявіў, што ў краіны ёсць толькі чвэрць неабходных ёй сродкаў СПА.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы65
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары