У судзе Маладзечанскага раёна 18 ліпеня за «дыскрэдытацыю Рэспублікі Беларусь» (арт. 369-1 КК) у відэа ў тыктоку асудзілі Андрэя Кудзіка з Вілейкі. У выніку мужчыну прызначылі чатыры гады калоніі ва ўмовах строгага рэжыму і 400 базавых велічыняў штрафу, піша «Вясна» на падставе сведчання выхадца з Вілейкі Паўла Хаванскага.
Андрэй Кудзік раней ужо адбываў тэрмін за ўдзел у акцыях пратэсту, яго асудзілі ў пачатку 2022 года. У лютым 2022-га года Андрэю прызначылі два гады калоніі паводле «народнага» арт. 342 КК.
На судзе актывіст не прызнаў віны і адмовіўся ад дачы паказанняў. 18 ліпеня 2023 году палітвязень выйшаў на волю, цалкам адбыўшы тэрмін у калоніі № 15, але праз паўгода зноў быў затрыманы.
У мінулым кастрычніку яму прызначылі 15 сутак арышту за віншаванне Украіны з Днём Незалежнасці ў тыктоку. 15 лютага гэтага года актывіста зноў арыштавалі на 15 сутак. Але на волю па сканчэнні тэрміна ён не выйшаў — яго затрымалі ў межах крымінальнай справы.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос16
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1212
Каментары
Які тады лунаў пераможны вокліч, я добра памятаю.
Вядома, гэта не ключавы выпадак, але калябарацыямі зь дзяржабай размаітыя случакі падгадоўвалі левіятана, рабілі свой ўнёсак.
І вось такое ж выдуманае злачынства, як ў тае праграмісткі, бяз шкоды і пацярпелых, і стаўкі падрасьлі - чатэры гады рабства.
Гадуйце дзяржабу далей, вы ж харошую і ў найлепшых мэтах гадуеце, праўда?